7-февраль күнү Андижан мамлекеттик педагогикалык инситутунун кыргыз, орус тили жана адабияты кафедрасынын окутуучусу Сатыбалдиев Муртаз агай Тарых-филология факультетинин кыргыз тили жана адабияты профилиндеги студенттерге “Кыргыз эл оозеки чыгармачылыгы” дисциплинасынан “Кыргыз жана өзбек элдеринин кереметүү жомокторунун типологиясы” деген темада конок лекция өттү. Окутуучу лекцияда жомоктордун түрк тилдеринде жана кыргыз, өзбек элдеринин фольклорунда изилдениши, эки элдин кереметүү жомокторундагы окшоштуктар жана айырмачылыктар, элдик оозеки чыгармачылыктын кыргыз жазма адабиятындагы орду, кереметүү жомоктордогу каармандар, жомоктордун балдарды тарбиялоодогу орду боюнча өзүнүн илимий изилдөөлөрүнүн жыйынтыктары негизинде маалымат берди. Аягында студенттер өтүлгөн лекция боюнча кызыккан суроолоруна жооп алышты.
Кыргыз филологиясы кафедрасынын башчысы, доцент Б. Т. Исмаилова лектордун илимий иштерине ийгиликтерди каалоо менен сертификат ыйгарды.
