Тарых-филология факультетине Андижан мамлекеттик педагогикалык инситутунан мобилдүүлүк боюнча келген студенттер окуу менен бирге коомдук-маданий иш чараларга активдүү катышууда. 10-февраль күнү Бабур атындагы Ош мамлекеттик академиялык өзбек музыкалуу драма театрында Алишер Навоинин 582 жылдыгына арналган иш чарада конок болушту. Ага улай С.Ибраимов атындагы Ош улуттук драма театрында 10-февраль С.Жетимишовтун калемине таандык «Амансыңбы, апаке!», 12-февраль Жаныш Кулмамбетовтун «Мекенимдин ташы» драмаларына, ошол эле күнү ордолуу Ошто жаңыдан башталган «Төкмө келсе төр бошот» (эл акыны Элмирбек Иманалиев негиздеген) айтыш концертине катышышты.
