Б. Сыдыков атындагы Кыргыз-Өзбек Эл аралык университетинин тарых-филология факультетинин босогосун аттаган 1- курстун студенттерин факультеттин деканы, доцент Ж.Т. Каденова кызуу куттуктап, факультеттин жамааты менен тааныштырды. Жаңы кабыл алынган тайпанын эдвайзерлерине студенттерге адаптациялык иштерди алып барууну табыштап, окуу жараяны менен тааныштыруу, АВН маалыматтык системасы менен иштөөнү үйрөтүү жана электрондук китепкана, окуу залдар менен тааныштыруу ошондой эле чет өлкөлүк студенттерге жакындан жардам көрсөтүү, алыскы райондордон келген студенттерди жатакана менен камсыздалышын көзөмөлдөө абзел экендигин белгилеп өттү. Студенттердин заман талабына жараша билим алуусуна бардык шарттардын бар экендигин белгилеп, академиялык мобилдүүлүк тууралуу маалымат берди. Студенттердин ата-энелери да сөзгө чыгып, профессордук-окутуучулук жамаатка ыраазычылык билдиришти.
