Бүгүн, 13-февраль күнү Тарых-филология факультетинин 3-курсунун студенттери үчүн кесиптик-базалык практиканын башталышы алдында маанилүү конференция өткөрүлдү. 
Конференцияда студенттер практиканы ийгиликтүү өтүү үчүн зарыл болгон усулдук көрсөтмөлөрдү, кеңештерди, сунуштарды, практиканын максаттары жана коюлган талаптар жөнүндө терең маалымат алышты. Ошондой эле, практиканын жүрүшүндө боло турган мүмкүнчүлүктөр жана кыйынчылыктар тууралуу да талкуу жасалды.
Университеттин окуу жана маалымат департаментинин директору, доцент Адылов Чыныбектин көрсөтмөсүнө ылайык студенттердин ар бири Be Easy программасына катталышты. Бул программа студенттердин практика базасында болуп жаткандыгын көзөмөлдөөгө жана аларга ар тараптан колдоо көрсөтүүгө багытталган. Программа аркылуу студенттердин ийгиликтүү практиканы өтүүсү жана алынган тажрыйбасы мониторингден өткөрүлөт. 
Белгилей кетсек, 3-курстун студенттери 17-февралдан 14-мартка чейинки аралыкта окуу планына ылайык кесиптик-базалык практикада болушат.
